http://4mb.lalaf.com 4-man-band blog: 四個男人的網上留言 Sat, 11 Nov 2006 02:33:44 +0000 http://backend.userland.com/rss092 en 回到母校黃鳴謙堂音樂室參加155週年舊生合唱團 一班聲線異常雄壯的舊生聚首練習 場面令人緬懷及感動 聖保羅好o野!First Bass好o野! http://4mb.lalaf.com/index.php/2006_11_11/378/ 今日度左個急口令 大家可否提供下聯？ 上聯： 田雞拎個電批撘電梯去買雞批經過一條小溪遇倒兩只小雞 http://4mb.lalaf.com/index.php/2006_10_25/376/ 我是個半吊子的，欠缺持久力的，一知半解的香港足運支持者。 先招供請罪，以免他日有人看罷這篇文章，追問我有沒有去看甲組波...:roll: anyway!九月六日，大球場，亞洲杯F組外圍賽，香港對烏支別克，也是「豪豬」的（暫時）告別賽，由於港隊於上場作客賽事中以二比二迫和對手，故此只須於這場主場賽事保持不敗，便足夠令球隊於出線路途上處於有利位罝。 大好形勢刺激球迷的入場慾，當晚與Reu氏於中層東看台，便見證了七千多人齊聲大喊「香港隊」之歷史一刻。 九十分鐘過去，香港如願以償以零比零媾和對手，出線與否，則要看餘下兩場比賽了。對，寫這麼多就是要告訴你，十一月最後一輪賽事，香港隊主場迎戰孟加拉亦將於大球場上演！拿！係咪香港人先∼？ P.S.卓卓！你好勁！香港！苦練罰球！吾該！ P.S.2 (!) 點解我買吾倒炸髀？剩係買倒油髀！？ http://4mb.lalaf.com/index.php/2006_09_12/375/ （由上至下） 我愛廚房 吉本芭娜娜／繁體／$42（九四年）／博益出版社 梁漢文的演唱會也叫「我愛廚房」，人人也以為是來自「美女廚房」，相信只有填詞人（林夕，Wyman還是周燿輝？）知道這本令吉本芭娜娜於九十年代初一躍 而起成為與村上春樹齊名的名作家的這本小說。吉本的故事虛幻之中貼近生活，以平實的筆法描繪生與死的關係，可卻不是寂寞的，消極的，絕望的。她的故事主人 公總在一片黑暗中看到光明，讀著讀著，也叫我在生命，愛情等等有了一翻新體會。推介給所有二十出頭。 Italo Calvino 卡爾維諾文集 卡爾維諾／簡體／$21@國風堂／譯林出版社 意大利大文豪卡爾維諾，（說來慚愧，第一次聽這個名字，是在at 17的歌「才女」）收錄了三篇短至中篇小說，都是圍繞戰爭的奇情故事，內容荒誕，有點像依索寓言，謮畢第一篇《分成兩本的子爵》，有Ｄ頂吾順，暫時停了下來。 Lolita 洛麗塔 Vladimir Nabokov／簡體／$27@國風堂／上海譯文出版社 不是「下妻物語」，是那個曾經在我們中學時代，令我們心跳臉紅，充滿幻想的「一樹梨花壓海棠」﹣的原著小說。暫時讀了一半，評語如下：很長，很厚，刺激， 意想不到，文筆瑰麗，宏偉的世界觀，當然，少不了的，很變態（以正常的，現時道德觀作比較的話）。所以，推薦你看，但不要太投入，否則 ... http://4mb.lalaf.com/index.php/2006_09_12/371/ 我的新家有70%完成喇！登張相大家睇下先！ http://4mb.lalaf.com/index.php/2006_07_27/369/ 很久沒寫了，來點感性的。 回復單身個多月，掛念之情無以名之。 為著重過新生，擺脫過去，極速租下一個小單位獨居，雖然吾知點解（其實係貪平）租了個「唐九」單位，每日上落均汗流浹背，不過能夠擁有自己的小天地，少許汗水倒不算甚麼。 其實「搬出來住」這個計劃，本來是想兩人一起完成的。以前她總說我空談，現在成功了，卻剩下我一個。 有時我想，我喜歡她有多深呢？ 晚上睡在新的雙人床上，很舒服很舒服，但成正比地，很空虛很空虛。早上被陽光照醒，靜靜的家卻讓我感到心平氣和，早一晚的空虛都不見了。 就這樣，每天徘徊於開心與不開心之間， （待續） http://4mb.lalaf.com/index.php/2006_07_14/367/ 我女友最近動了所謂的 "LASIK" 激光矯正視力手術。因為之前發現網上對此感到迷茫、唔知做好唔做好的人甚多。經她同意下將她的心路歷程轉載於此，讓其他人作參考之用。 前言：她做的LASIK（Laser-assisted In Situ Keratomileusis），就是所謂用激光矯正近視及散光的手術。執行手術的是她同事介紹的一位林姓醫生，極有經驗云云。我女友的近視度數約為五百度，另加散光一百多度。在手術前的檢查中，醫生認為她的角膜厚度不足，要用上較準確之Intralase。兩隻眼「全包套餐」總費一萬八千元。 D Day 手術當日： 之前都無乜野，去到呢日我就開始後悔喇。點解要咁做黎傷害自己對眼呢？上到手術床，就更胡思亂想：點解對自己雙眼咁唔負責任呢？我又開始覺得自己對唔住自己父母（身體髮膚受諸父母嘛！）、對唔住自己、對唔住神！（Gan註：佢無信教架，呢個應該係胡思亂想嘅一部份 :roll:）我會唔會就咁盲左？我將來老左有白內障或者青光眼個機會會唔會大左？越諗越不安！就係呢個時候我見到一個白色嘅圈係我眼前，然後佢地開始落suction落我對眼度！Ouch!! 好好好好痛！跟住視力開始模糊！乜事？好驚！跟住醫生先話啲suction會令我視力模糊一陣，咁都鬆一口氣。我知道之後個步驟係用Intralase切開我個角膜...... Well, 呢一步又唔係咁痛喎，但係當個醫生掀起塊角膜時就好唔舒服...... 我個心不停咁希望個手術快啲完。 唔清楚過左幾耐，手術第一部分（Intralase）就完左。我去返間休息房度稍休，因為要等對眼吸收返頭先界角膜時產生嘅氣泡。間房入面仲有三個同樣做手術嘅女仔，都係休息緊，都係好似我咁咁蠢為靚而搏命 :( （Gan註：我當時係出面等緊，發現全部病人均為女性）。不過點都好，都叫有個伴，無咁擔心。對眼好矇，間房好似蒸汽房咁，我相信白內障病人睇野都會係咁。無幾耐護士就過黎check下對眼，同埋滴眼藥水，準備second section！ 護士帶我去返手術室。我見到手術床旁邊有班medical staff「磨刀霍霍等開我刀」。唉～好想個「惡夢」快啲完呀...... 然後醫生好溫柔咁叫我望住佢頭上個紅點，又話會捉實我個頭等我唔好亂郁，要我放鬆唔好驚。唔，果然係老手，個心又定啲。點都好開始第二部分啦..... Oh my goodness!!!!!!!! 唔怪之得要捉實我個頭啦！佢地好似用支有鈎嘅stick「了」開我塊角膜！超級霹靂無敵勁痛同埋唔舒服！ :( :( :( 我思想立刻暴走，胡思亂想mode 100%全開：值唔值得受呢種苦呢？其實戴下con咪幾好？我係咪真係應該做呢個手術呢？如果我視力受損，我會無左份工！將來結婚生仔嘅計劃亦會全部受阻！我根本承受唔到個風險！點解自己要咁蠢呢？為左可能會好睇啲，係咪真係值呢？唉唉唉唉唉！其實我心知肚明，根本係unnecessary，個risk大過benefit！我可能做左一個會後悔一生嘅決定！好後悔作左個咁非理性嘅決定呀！ 「...請你望實個紅點同埋唔好dup低頭，我地需要你嘅合作.....」醫生突然咁講。我即刻暫停亂諗野，返回現實繼續受苦。然後我聞到果股傳說中嘅「火羅 味」！佢地開始「燒」我對眼喇！我忍住呼吸去唔聞陣味兼令自己唔好亂郁。好快就燒完，醫生又用支野合返埋個角膜，又係超級霹靂無敵勁痛同埋唔舒服！ :( :( :( 佢再用一個好似掃咁嘅野黎掃平個角膜！嘩！比之前更更更痛同埋唔舒服！ :( :( :( :( :( 鳴呀呀，我真係希望快啲搞掂呀！我唔想再受呢種痛苦...... 好不容易．終於．完成左...... 一隻眼，仲有另一隻！呀呀呀呀呀呀呀～～～～～～～ 「搞掂喇，手術成功！」我迷迷糊糊聽到醫生咁講...... 成功搞掂！多麼美好動聽的語句啊！從未試過聽到一句說話令我咁開心！ 之後護士幫我「痴」保護眼罩，又休息左大概十多分鐘就走人。走到街上，彷如隔世。個人好累，好似做完運動咁，我知道因為手術時我個心跳得好快。立刻打的返屋企，食左少少野就訓。起身時約六點，發現隻左眼開唔到！因為太多「眼屎」。即刻打返去問下，個護士叫我拑實下眼皮再慢慢開上眼皮...... 又得喎。我估計視力大概回復左八成。之後又走左訓過...... D+1 Day: 對眼唔痛，但仲係矇。約有八成半視力啦。我晨咁早就返去醫生自己診所度覆診（同做手術係唔同地方）。佢check左大概三分鐘，話無乜大問題，著我呢幾日好好休息。不過因為無太陽眼鏡，所以之後行左陣旺角買黑超去保護對眼...... D+2 Day: 今日又好返少少，大約九成視力啦。無痛。 D+7 Day: 今日唔知咩事，本來好得七七八八嘅眼又突然矇返，仲差過做完手術果日！我即刻打返去問下，個護士話係正常喎...... 唉，希望真係啦。又開始罵自己呢幾晚唔應該挨夜...... D+8 Day: 又好似好返啲咁喎。唉...... 暫時都無complications，已經算係一大大大幸喇。 就記住咁多先啦。 http://4mb.lalaf.com/index.php/2006_07_13/365/ http://4mb.lalaf.com/index.php/2006_06_04/363/ 最近新聞頭條，非巴士阿叔莫屬，可謂全城效應。而另一單新聞就幾乎叫人錯失了。 指的是「香港海關20萬名大使打擊監察網上侵權行為」（「青少年打擊網上盜版大使」、簡稱「青網大使」）。似乎是海關招募了差不多二十萬名少年，以監視及舉報形式，去打擊修權行為。 我也是從外國新聞網站Digg處「出口轉內銷」反知道留意這宗香港新聞。你道老外們的反應是甚麼？第一個反應是「1984」──專制政府利用小孩製造白色恐怖；第二個反應是「希特勒」──以希特勒少年團監視自己人民；第三個反應是：「中國共產黨，當然會這樣做！」 雖然Digg的報導跟實情似乎有出入──例如他們以為香港政府是出錢聘請（hire）了廿萬青年去做監視，而事實上只是從幾個青少年義務制服團體中recruit而已（儘管成功捉到人可能會有獎金）。但關於這類政府侵犯人民私隱的行為，老外是比較敏感的。而香港人嘛，除了在「古惑天王」一案後，有人在高登或newsgroups「媽义」過一輪外，似乎都不大了了。 http://4mb.lalaf.com/index.php/2006_06_02/361/ 最近新聞頭條，非巴士阿叔莫屬，可謂全城效應。而另一單新聞就幾乎叫人錯失了。 指的是「香港海關20萬名大使打擊監察網上侵權行為」（「青少年打擊網上盜版大使」、簡稱「青網大使」）。似乎是海關招募了差不多二十萬名少年，以監視及舉報形式，去打擊修權行為。 我也是從外國新聞網站Digg處「出口轉內銷」反知道留意這宗香港新聞。你道老外們的反應是甚麼？第一個反應是「1984」──專制政府利用小孩製造白色恐怖；第二個反應是「希特勒」──以希特勒少年團監視自己人民；第三個反應是：「中國共產黨，當然會這樣做！」 雖然Digg的報導跟實情似乎有出入──例如他們以為香港政府是出錢聘請（hire）了廿萬青年去做監視，而事實上只是從幾個青少年義務制服團體中recruit而已（儘管成功捉到人可能會有獎金）。但關於這類政府侵犯人民私隱的行為，老外是比較敏感的。而香港人嘛，除了在「古惑天王」一案後，有人在高登或newsgroups「媽义」過一輪外，似乎都不大了了。 http://4mb.lalaf.com/index.php/2006_06_02/361/