小弟早前放大假, 去東京旅遊四天. 本來意欲購物散心, 惟於第一天到東京一眾潮人聖地如原宿竹下通及代官山後, 發覺本人竟然買不到任何東西! 一則價錢ok但不合適本人, 另則十分漂亮但價錢嚇人. (當然本人仍有在Tokyu Hands購買有趣/浪漫小玩意)故本人遂決定於第二及第三日跟著Lonely Planet上指示到東京附近郊區走走.
第一站江之島為東京南面在鐮倉附近一個島. 有個長長沙灘連接住內陸, 可惜四月日本仍屬涼快(around 10C), 而當天亦下著毛毛細雨, 令本人於一眾日本水著女郎緣慳一面
進入島內, 有數個神社, 根據Lonely Planet 神社同寺是有分別的, 不過於去完日光後(主要是寺)本人只是看出有不同, 但仍然不明白其不同.
仍有櫻花…
祈福牌架…
島上岩洞…有條假龍在內, 曉叫. 洞內有數個極黑景點放置一些佛像, 工作人員會給白燭予遊客照明
島上遠眺景色…
生意果真難做。
去年九月為女友辦生日會的場地”Cafe Anyroom”，經大家私下批評了一番之後，終於捱不到另一個九月。
上周日，於阿麥買了書，便想上去坐坐看書等女友吃晚飯，但”Cafe Anyroom”卻變了”Cafe On Board”，menu是一樣的，咖啡OK，梳化和燈換了，比之前好坐，不過不能和隔鄰相提並論吧。
雖然沒有BitterSweet及Mary Jane般好，我想我還是會再去的，尤其是星期日，黃昏時間，每間Cafe都擠滿人，我卻和另外（只有）兩個客人在落地玻璃窗（這是Mary Jane沒有的）旁靜靜看著白沙道進入黑暗的晚上，看了兩個小時的村上，誠品，瑪加．莎塔碧，吾，我真有型！（仲要平Ｄ）:roll:
年初三階REU同往拜神攝太歲，剛巧遇著舞獅。
1.
2.
3.
１。黃飛鴻之龍城爭霸！
２。每個人心目中都有一座斷背山
３。無題
此乃我的座位，可以不理。
應Gan之約，即時報導。
10:00 起身，睇報紙
10:30 做Freelance
11:15 午飯 （同阿爸食寧舍早）
12:00 做Freelance
2:30 執野，沖涼，換衫
3:15 出街
4:00 Interview
4:30 灣仔溜躂
5:00 上巴士
5:30石塘咀買蛋糕（真係紙包蛋糕，買俾老豆）
6:15 屋企
7:00 晚飯
7:45 打機
9:00 上網，做Freelance
咁就過左！ 點解吾使返工？今日放假！
無去到加藤，反而由於要去尖沙咀，搵間新野試下，上openrice search左一輪，揀左金巴利道皇悅酒店二樓既「日本料亭」，做緊$180放題。
Ｏ個度環境算吾錯啦，酒店格局，昏昏沉沉咁，真係越食越眼訓。一坐抵侍應就擺抵一煲Shabu Shabu（訂位時佢無講話有架），牛肉任添，都ＯＫ啦，其他食物方面，壽司，炸物，串燒，火鍋料，沙律，手卷等等連埋一Ｄ特式野（例如有一道「火燙三文魚壽司」同「辣拖羅飯」），加加埋埋都成五六十樣選擇。
味道方面，當然每樣野都吾可以同專門店比，但整體黎講算吾錯，而且每碟野都係好細舊細細碟袖珍size，多Ｄ人絕對可以試哂所有野。
今時今日，大家都好留意服務態度啦，酒店侍應今次好得意，逐樣逐樣計，添茶同火鍋水加得好勤，叫佢地時都十分有禮貌，講吾該會應你吾使客氣，不過成日吾記得野，想要order紙就要問多幾次喇。
總括黎講，如果情侶想平平地食餐日本野都可以考慮，不過最好訂卡位，尋晚我就傻仔地坐在一排圍住一個水池既位，好奇怪，同對面Ｄ人眼望眼。其實更Ｏ岩幾條麻甩（即係我地），吾想太講究，又吾使睇價錢，「嘻可下hea」兩個鍾狂食照燒牛扒，燒三文魚頭，飽魚壽司……
電話：23673666
星期六晚去南華會打Bowling 同打pool, 先見到郭富城駛架黃色林寶基尼到達之後上去桌球部, 隨後o係保齡球場同劉德華相距兩條lane打Bowling, 後面有成班fans拍手鼓勵.劉德華都真係幾勁. 去睇城城打pool, 佢就厲眼啤人…….
其實自己鍾意的地方，有時唔係好想介紹。因為怕越來越多人，咁我就會唔想去，怕等位，怕迫。 (會否高估了 自己/這blog 的影響力呢？) 我希望佢永遠得小貓三四隻，清靜一點。 
試問一人多，成間 cafe 好似酒樓咁，仲有咩氣氛可言呢？ (依家 starbucks 實在太多人啦！Pacific Coffee 又水準下降。)
Mary and Jane 係少數肯落本裝修既樓上 cafe。鍾意呢間 cafe 係因為佢既開放式露台，晚上揀選露台的幾張檯，很舒服，氣氛感覺好好。 (註：暫時只限冬天，夏天就要睇下佢 d 冷氣有幾勁啦)。當然，除了裝修之外，咖啡及食物的質數亦算不錯。特別一提，佢係樓上 cafe 小有地供應 smoothies。
有咁既裝修，價錢當然比一般樓上 cafe 貴，around $40 一杯飲品。 (未連加一)
p.s. 好奇怪，全部雜誌都係好殘，好舊，比起間 cafe 歷史更悠久。
結論：四粒星（近期熱門之選 
)
電話：2805-6678
地址：銅鑼灣富明街寶明大廈 2 樓
黑麥Pumpernickel 既食物質素一 d 唔差, 又健康, 實在適合介紹俾一 d 想減肥既 partner 
這一間位於藝術中心四樓的黑麥據聞是第四間分店，這裡食物的選擇比較少，環境尚算不錯，樓底高，有海景。但…… 服務就真係惡劣
。 侍應不單止全程無笑容，態度亦唔多好。無論 d 野食幾好食，我一見到 d 咁既服務態度，心情都會立即跌到落谷底，開始起火。實在應該請10個劉德華去教育下佢地。
結論: 一粒星 (可以不理 
)
地址: 灣仔港灣道二號香港藝術中心四樓
補充: 為免死錯人，再作補充。當日點野食時，waitress 既態度實在吾係太好，擺出一副臭臉，愛理不理的態度。
飯後坐坐下，突然間就有人走出黎，粒聲吾出，每張檯擺低張單，跟住走左去。隔幾分鐘之後就走返黎逐張檯收返。想早收工，趕客都好d態度丫。d 口面仲慘過著到爛身爛世走入名店睇衫呀，陰公~
其實睇Openrice的話，黑麥最多人不滿都係佢既service。
p.s. 藝術中心呢一間係唔收 credit card 的。
一年一度！女士既特權之日，男士既煩惱根源！情 ﹣人 ﹣ 節！ 又到喇。
並非有任何推介，反而係想問下各位有咩好介紹，或者大家講下諗住去邊，可以避免撞到。
同埋之前Ｄ題目都講到爛咁滯，係時候閞個新話題啦……
其賨點解情人節要男士諗節目呀，不如叫Ｄ女仔諗下啦。
Day 1
Day 2:
