回到母校黃鳴謙堂音樂室參加155週年舊生合唱團
一班聲線異常雄壯的舊生聚首練習
場面令人緬懷及感動
聖保羅好o野!First Bass好o野!
感動
無聊急口令
今日度左個急口令
大家可否提供下聯？
上聯：
田雞拎個電批撘電梯去買雞批經過一條小溪遇倒兩只小雞
加油！香港隊！∼
我是個半吊子的，欠缺持久力的，一知半解的香港足運支持者。
先招供請罪，以免他日有人看罷這篇文章，追問我有沒有去看甲組波…:roll:
anyway!九月六日，大球場，亞洲杯F組外圍賽，香港對烏支別克，也是「豪豬」的（暫時）告別賽，由於港隊於上場作客賽事中以二比二迫和對手，故此只須於這場主場賽事保持不敗，便足夠令球隊於出線路途上處於有利位罝。
大好形勢刺激球迷的入場慾，當晚與Reu氏於中層東看台，便見證了七千多人齊聲大喊「香港隊」之歷史一刻。
九十分鐘過去，香港如願以償以零比零媾和對手，出線與否，則要看餘下兩場比賽了。對，寫這麼多就是要告訴你，十一月最後一輪賽事，香港隊主場迎戰孟加拉亦將於大球場上演！拿！係咪香港人先∼？
P.S.卓卓！你好勁！香港！苦練罰球！吾該！
P.S.2 (!) 點解我買吾倒炸髀？剩係買倒油髀！？
久違了的（八，九月）讀書報告
（由上至下）
我愛廚房
吉本芭娜娜／繁體／$42（九四年）／博益出版社
梁漢文的演唱會也叫「我愛廚房」，人人也以為是來自「美女廚房」，相信只有填詞人（林夕，Wyman還是周燿輝？）知道這本令吉本芭娜娜於九十年代初一躍 而起成為與村上春樹齊名的名作家的這本小說。吉本的故事虛幻之中貼近生活，以平實的筆法描繪生與死的關係，可卻不是寂寞的，消極的，絕望的。她的故事主人 公總在一片黑暗中看到光明，讀著讀著，也叫我在生命，愛情等等有了一翻新體會。推介給所有二十出頭。
Italo Calvino 卡爾維諾文集
卡爾維諾／簡體／$21@國風堂／譯林出版社
意大利大文豪卡爾維諾，（說來慚愧，第一次聽這個名字，是在at 17的歌「才女」）收錄了三篇短至中篇小說，都是圍繞戰爭的奇情故事，內容荒誕，有點像依索寓言，謮畢第一篇《分成兩本的子爵》，有Ｄ頂吾順，暫時停了下來。
Lolita 洛麗塔
Vladimir Nabokov／簡體／$27@國風堂／上海譯文出版社
不是「下妻物語」，是那個曾經在我們中學時代，令我們心跳臉紅，充滿幻想的「一樹梨花壓海棠」﹣的原著小說。暫時讀了一半，評語如下：很長，很厚，刺激， 意想不到，文筆瑰麗，宏偉的世界觀，當然，少不了的，很變態（以正常的，現時道德觀作比較的話）。所以，推薦你看，但不要太投入，否則 …
部屋
我的新家有70%完成喇！登張相大家睇下先！
單身．獨立．搬屋
很久沒寫了，來點感性的。
回復單身個多月，掛念之情無以名之。
為著重過新生，擺脫過去，極速租下一個小單位獨居，雖然吾知點解（其實係貪平）租了個「唐九」單位，每日上落均汗流浹背，不過能夠擁有自己的小天地，少許汗水倒不算甚麼。
其實「搬出來住」這個計劃，本來是想兩人一起完成的。以前她總說我空談，現在成功了，卻剩下我一個。
有時我想，我喜歡她有多深呢？
晚上睡在新的雙人床上，很舒服很舒服，但成正比地，很空虛很空虛。早上被陽光照醒，靜靜的家卻讓我感到心平氣和，早一晚的空虛都不見了。
就這樣，每天徘徊於開心與不開心之間，
（待續）
我（女友）的LASIK日記
我女友最近動了所謂的 “LASIK” 激光矯正視力手術。因為之前發現網上對此感到迷茫、唔知做好唔做好的人甚多。經她同意下將她的心路歷程轉載於此，讓其他人作參考之用。
前言：她做的LASIK（Laser-assisted In Situ Keratomileusis），就是所謂用激光矯正近視及散光的手術。執行手術的是她同事介紹的一位林姓醫生，極有經驗云云。我女友的近視度數約為五百度，另加散光一百多度。在手術前的檢查中，醫生認為她的角膜厚度不足，要用上較準確之Intralase。兩隻眼「全包套餐」總費一萬八千元。
D Day 手術當日：
之前都無乜野，去到呢日我就開始後悔喇。點解要咁做黎傷害自己對眼呢？上到手術床，就更胡思亂想：點解對自己雙眼咁唔負責任呢？我又開始覺得自己對唔住自己父母（身體髮膚受諸父母嘛！）、對唔住自己、對唔住神！（Gan註：佢無信教架，呢個應該係胡思亂想嘅一部份 :roll:）我會唔會就咁盲左？我將來老左有白內障或者青光眼個機會會唔會大左？越諗越不安！就係呢個時候我見到一個白色嘅圈係我眼前，然後佢地開始落suction落我對眼度！Ouch!! 好好好好痛！跟住視力開始模糊！乜事？好驚！跟住醫生先話啲suction會令我視力模糊一陣，咁都鬆一口氣。我知道之後個步驟係用Intralase切開我個角膜…… Well, 呢一步又唔係咁痛喎，但係當個醫生掀起塊角膜時就好唔舒服…… 我個心不停咁希望個手術快啲完。
唔清楚過左幾耐，手術第一部分（Intralase）就完左。我去返間休息房度稍休，因為要等對眼吸收返頭先界角膜時產生嘅氣泡。間房入面仲有三個同樣做手術嘅女仔，都係休息緊，都係好似我咁咁蠢為靚而搏命
（Gan註：我當時係出面等緊，發現全部病人均為女性）。不過點都好，都叫有個伴，無咁擔心。對眼好矇，間房好似蒸汽房咁，我相信白內障病人睇野都會係咁。無幾耐護士就過黎check下對眼，同埋滴眼藥水，準備second section！
護士帶我去返手術室。我見到手術床旁邊有班medical staff「磨刀霍霍等開我刀」。唉～好想個「惡夢」快啲完呀…… 然後醫生好溫柔咁叫我望住佢頭上個紅點，又話會捉實我個頭等我唔好亂郁，要我放鬆唔好驚。唔，果然係老手，個心又定啲。點都好開始第二部分啦…..
Oh my goodness!!!!!!!! 唔怪之得要捉實我個頭啦！佢地好似用支有鈎嘅stick「了」開我塊角膜！超級霹靂無敵勁痛同埋唔舒服！
「…請你望實個紅點同埋唔好dup低頭，我地需要你嘅合作…..」醫生突然咁講。我即刻暫停亂諗野，返回現實繼續受苦。然後我聞到果股傳說中嘅「火羅 味」！佢地開始「燒」我對眼喇！我忍住呼吸去唔聞陣味兼令自己唔好亂郁。好快就燒完，醫生又用支野合返埋個角膜，又係超級霹靂無敵勁痛同埋唔舒服！
好不容易．終於．完成左…… 一隻眼，仲有另一隻！呀呀呀呀呀呀呀～～～～～～～
「搞掂喇，手術成功！」我迷迷糊糊聽到醫生咁講…… 成功搞掂！多麼美好動聽的語句啊！從未試過聽到一句說話令我咁開心！
之後護士幫我「痴」保護眼罩，又休息左大概十多分鐘就走人。走到街上，彷如隔世。個人好累，好似做完運動咁，我知道因為手術時我個心跳得好快。立刻打的返屋企，食左少少野就訓。起身時約六點，發現隻左眼開唔到！因為太多「眼屎」。即刻打返去問下，個護士叫我拑實下眼皮再慢慢開上眼皮…… 又得喎。我估計視力大概回復左八成。之後又走左訓過……
D+1 Day:
對眼唔痛，但仲係矇。約有八成半視力啦。我晨咁早就返去醫生自己診所度覆診（同做手術係唔同地方）。佢check左大概三分鐘，話無乜大問題，著我呢幾日好好休息。不過因為無太陽眼鏡，所以之後行左陣旺角買黑超去保護對眼……
D+2 Day:
今日又好返少少，大約九成視力啦。無痛。
D+7 Day:
今日唔知咩事，本來好得七七八八嘅眼又突然矇返，仲差過做完手術果日！我即刻打返去問下，個護士話係正常喎…… 唉，希望真係啦。又開始罵自己呢幾晚唔應該挨夜……
D+8 Day:
又好似好返啲咁喎。唉…… 暫時都無complications，已經算係一大大大幸喇。
就記住咁多先啦。
The Da Vinci Code
等左好耐，終於等到小說熱潮冷卻，電影又未上畫呢段時間先走去買本小說黎睇，睇左三份一，除左好好睇之外，仲覺得電影選角十分出色，令我睇小說時份外投入！
（左）Tom Hanks = Robert Langdon
好多人話佢個造形吾掂，好老土，但提醒各位，佢事實上係一個講師，學者，吾係Indiana Jones。
（右）Audrey Tautou ＝ Sophie Neveu
要法國女仔，靚，智慧型，識英文，仲要紅！無第二個啦！Anyway，係咪法國女仔都叫Sophie?
Jean Reno = Bezu Fache
乖戾警官（又係），無乜驚喜，夠穩陣囉。
另外offical website好靚好靚，不容錯過。
http://www.sonypictures.com/movies/thedavincicode/
四月唱片消費報告
嗯嗯，月尾才來個忍不住手，一口氣買了一堆唱片回家，好不滿足。再不搬家的話，睡床也將被唱片淹沒吧。
四月重點推介：
Project Early 同名 EP
零 三年中，林海峰從台灣找來樂團「糯米團」合作做唱片和音樂會，「糯米團」的音樂混合funky, Hip Hop 及 band sound，最叫我難忘的是他們歌曲的旋律，模式往往與香港流行曲（甚至台灣本土的）大相徑庭，本人不懂樂理，無法形容，硬要說其分別的話，就是他們的 歌，一很難記；二很難猜度下一句的走勢；三歌詞通俗卻不失溫柔，直接卻猶有韻味，幽默卻不失諷刺。這些都歸功於樂團領袖，負責曲詞篇唱的馬念先。
及至零六年，這位馬念先也踏入三十而立之年。
作為一個男人，他突然想到要為這三十年下一個逗點，於是他找來好朋友，也在組樂團的奇哥組成二人樂團「Project Early」﹣一個運作十年的計劃 ﹣作為二人由三十到四十歲的記錄。
背景就這麼。這張同名EP有三首新歌，及歌曲的音樂版本，至於歌評，嘿嘿，我是不會寫的了，建議馬上跑去買一張回來，挑個大好陽光的晴天，一邊聽一邊呆呆看著天空。
其他消費：
正宗K - 鄭中基
十多年前的歌，還是這麼耐聽。笨蛋熊貓君，此碟不禁令人回憶起每到小息便全班發傻大合唱「還以為…」的日子啊。
春．夏．秋．冬 ﹣張敬軒
仍未有力聽畢全碟，但一首結他伴奏的「春．夏．秋．冬」就叫我趕付了鈔。
Get a Life - 陳奕迅
先看（現場），再聽（唱片），再看（DVD）。指定三部曲。
Camping - 林一峰
全碟翻唱英文歌，還未放入唱機（只買了數小時，不是因為我懶才沒聽）。推介原因是在收音機聽到其慢版，ABBA的「Dancing Queen, Young and sweet, only seventeen…..」
四月一日
春天該很好，你若尚在場。
能同途偶遇在這星球上，
是某種緣份，我多麼慶幸……但願和你遠亦近。
-張國榮《春夏秋冬》