4mb-log

我女友最近動了所謂的 “LASIK” 激光矯正視力手術。因為之前發現網上對此感到迷茫、唔知做好唔做好的人甚多。經她同意下將她的心路歷程轉載於此，讓其他人作參考之用。

前言：她做的LASIK（Laser-assisted In Situ Keratomileusis），就是所謂用激光矯正近視及散光的手術。執行手術的是她同事介紹的一位林姓醫生，極有經驗云云。我女友的近視度數約為五百度，另加散光一百多度。在手術前的檢查中，醫生認為她的角膜厚度不足，要用上較準確之Intralase。兩隻眼「全包套餐」總費一萬八千元。

D Day 手術當日：

之前都無乜野，去到呢日我就開始後悔喇。點解要咁做黎傷害自己對眼呢？上到手術床，就更胡思亂想：點解對自己雙眼咁唔負責任呢？我又開始覺得自己對唔住自己父母（身體髮膚受諸父母嘛！）、對唔住自己、對唔住神！（Gan註：佢無信教架，呢個應該係胡思亂想嘅一部份 :roll:）我會唔會就咁盲左？我將來老左有白內障或者青光眼個機會會唔會大左？越諗越不安！就係呢個時候我見到一個白色嘅圈係我眼前，然後佢地開始落suction落我對眼度！Ouch!! 好好好好痛！跟住視力開始模糊！乜事？好驚！跟住醫生先話啲suction會令我視力模糊一陣，咁都鬆一口氣。我知道之後個步驟係用Intralase切開我個角膜…… Well, 呢一步又唔係咁痛喎，但係當個醫生掀起塊角膜時就好唔舒服…… 我個心不停咁希望個手術快啲完。

唔清楚過左幾耐，手術第一部分（Intralase）就完左。我去返間休息房度稍休，因為要等對眼吸收返頭先界角膜時產生嘅氣泡。間房入面仲有三個同樣做手術嘅女仔，都係休息緊，都係好似我咁咁蠢為靚而搏命 （Gan註：我當時係出面等緊，發現全部病人均為女性）。不過點都好，都叫有個伴，無咁擔心。對眼好矇，間房好似蒸汽房咁，我相信白內障病人睇野都會係咁。無幾耐護士就過黎check下對眼，同埋滴眼藥水，準備second section！

護士帶我去返手術室。我見到手術床旁邊有班medical staff「磨刀霍霍等開我刀」。唉～好想個「惡夢」快啲完呀…… 然後醫生好溫柔咁叫我望住佢頭上個紅點，又話會捉實我個頭等我唔好亂郁，要我放鬆唔好驚。唔，果然係老手，個心又定啲。點都好開始第二部分啦…..

Oh my goodness!!!!!!!! 唔怪之得要捉實我個頭啦！佢地好似用支有鈎嘅stick「了」開我塊角膜！超級霹靂無敵勁痛同埋唔舒服！ :( 我思想立刻暴走，胡思亂想mode 100%全開：值唔值得受呢種苦呢？其實戴下con咪幾好？我係咪真係應該做呢個手術呢？如果我視力受損，我會無左份工！將來結婚生仔嘅計劃亦會全部受阻！我根本承受唔到個風險！點解自己要咁蠢呢？為左可能會好睇啲，係咪真係值呢？唉唉唉唉唉！其實我心知肚明，根本係unnecessary，個risk大過benefit！我可能做左一個會後悔一生嘅決定！好後悔作左個咁非理性嘅決定呀！

「…請你望實個紅點同埋唔好dup低頭，我地需要你嘅合作…..」醫生突然咁講。我即刻暫停亂諗野，返回現實繼續受苦。然後我聞到果股傳說中嘅「火羅 味」！佢地開始「燒」我對眼喇！我忍住呼吸去唔聞陣味兼令自己唔好亂郁。好快就燒完，醫生又用支野合返埋個角膜，又係超級霹靂無敵勁痛同埋唔舒服！ :( 佢再用一個好似掃咁嘅野黎掃平個角膜！嘩！比之前更更更痛同埋唔舒服！ :( :( 鳴呀呀，我真係希望快啲搞掂呀！我唔想再受呢種痛苦……

好不容易．終於．完成左…… 一隻眼，仲有另一隻！呀呀呀呀呀呀呀～～～～～～～

「搞掂喇，手術成功！」我迷迷糊糊聽到醫生咁講…… 成功搞掂！多麼美好動聽的語句啊！從未試過聽到一句說話令我咁開心！

之後護士幫我「痴」保護眼罩，又休息左大概十多分鐘就走人。走到街上，彷如隔世。個人好累，好似做完運動咁，我知道因為手術時我個心跳得好快。立刻打的返屋企，食左少少野就訓。起身時約六點，發現隻左眼開唔到！因為太多「眼屎」。即刻打返去問下，個護士叫我拑實下眼皮再慢慢開上眼皮…… 又得喎。我估計視力大概回復左八成。之後又走左訓過……

D+1 Day:

對眼唔痛，但仲係矇。約有八成半視力啦。我晨咁早就返去醫生自己診所度覆診（同做手術係唔同地方）。佢check左大概三分鐘，話無乜大問題，著我呢幾日好好休息。不過因為無太陽眼鏡，所以之後行左陣旺角買黑超去保護對眼……

D+2 Day:

今日又好返少少，大約九成視力啦。無痛。

D+7 Day:

今日唔知咩事，本來好得七七八八嘅眼又突然矇返，仲差過做完手術果日！我即刻打返去問下，個護士話係正常喎…… 唉，希望真係啦。又開始罵自己呢幾晚唔應該挨夜……

D+8 Day:

又好似好返啲咁喎。唉…… 暫時都無complications，已經算係一大大大幸喇。

就記住咁多先啦。

最近新聞頭條，非巴士阿叔莫屬，可謂全城效應。而另一單新聞就幾乎叫人錯失了。

指的是「香港海關20萬名大使打擊監察網上侵權行為」（「青少年打擊網上盜版大使」、簡稱「青網大使」）。似乎是海關招募了差不多二十萬名少年，以監視及舉報形式，去打擊修權行為。

我也是從外國新聞網站Digg處「出口轉內銷」反知道留意這宗香港新聞。你道老外們的反應是甚麼？第一個反應是「1984」──專制政府利用小孩製造白色恐怖；第二個反應是「希特勒」──以希特勒少年團監視自己人民；第三個反應是：「中國共產黨，當然會這樣做！」

雖然Digg的報導跟實情似乎有出入──例如他們以為香港政府是出錢聘請（hire）了廿萬青年去做監視，而事實上只是從幾個青少年義務制服團體中recruit而已（儘管成功捉到人可能會有獎金）。但關於這類政府侵犯人民私隱的行為，老外是比較敏感的。而香港人嘛，除了在「古惑天王」一案後，有人在高登或newsgroups「媽义」過一輪外，似乎都不大了了。

最近新聞頭條，非巴士阿叔莫屬，可謂全城效應。而另一單新聞就幾乎叫人錯失了。

指的是「香港海關20萬名大使打擊監察網上侵權行為」（「青少年打擊網上盜版大使」、簡稱「青網大使」）。似乎是海關招募了差不多二十萬名少年，以監視及舉報形式，去打擊修權行為。

我也是從外國新聞網站Digg處「出口轉內銷」反知道留意這宗香港新聞。你道老外們的反應是甚麼？第一個反應是「1984」──專制政府利用小孩製造白色恐怖；第二個反應是「希特勒」──以希特勒少年團監視自己人民；第三個反應是：「中國共產黨，當然會這樣做！」

雖然Digg的報導跟實情似乎有出入──例如他們以為香港政府是出錢聘請（hire）了廿萬青年去做監視，而事實上只是從幾個青少年義務制服團體中recruit而已（儘管成功捉到人可能會有獎金）。但關於這類政府侵犯人民私隱的行為，老外是比較敏感的。而香港人嘛，除了在「古惑天王」一案後，有人在高登或newsgroups「媽义」過一輪外，似乎都不大了了。

Reference: In 2021 You’ll Grow a New Heart

Researchers are zeroing in on a long-sought goal of human healing: organs that can regenerate themselves from within…

20xx年五月十二日。

「好耐無見胡楓（註：唔係果個演員）喇喎，佢最近點？」

「佢心臟病發呀！依家休養緊，等個心生返。」

「又生？上次先生完咋喎。」我吃了一驚。

「上次生得無咁好啩？一睇隻《高樹瑪X亞復刻版 HD-DVD++》就頂唔順咯。今次應該生返個強壯啲。」

「隻復刻版真係咁正咩？」

「唔係，」亞成道，「係佢俾老翻佬昆咗，唔對封面，入面原來係高樹『亞婆重出江湖版』，一睇就嚇到佢病發！所以話翻版碟真係害人不淺，大家真係唔應該幫襯！」

「……」

Reference: MIT Fashion Design Takes Cue From Virus

At MIT’s Media Lab, researchers are developing fashion accessories on which patterns and designs can change according to the wearer’s whim, and fashion prints can be shared virally via wireless communication…

20xx年五月十一日。

是日中午約咗亞成食lunch，只見愁眉苦臉嘅佢著果件OLED-powered “Bathing Ape 2.0″ 可變換圖案tee上面斗大咁show住一隻「四仔」封面。

「嘩，中意睇都唔使咁揚下話？」 我幾乎想扮唔識佢。

亞成想喊咁濟，道：「唔係呀，頭先搭van仔時無啦啦轉。好似俾人hack咗…. 轉又轉唔返，除咗佢又唔係……」

我即時彈開三步，道：「咁你仲行埋嚟？一陣傳染埋我條褲咪死？！你有無落最新個security patch架？」

「電腦嘢我鬼識咩！快啲幫我搞返掂佢啦！」

於是花咗一個鐘，終於clean咗個virus同落埋個patch。不過因為佢無backup到舊有圖案，只有暫時用返原有猩猩頭logo。

「咁咪好老土？」亞成道。

「一陣自己去iTune download返囉。還是你想用返四仔封面？」

「其實我覺得okay架，不過唔係咁中意果個女優……」

今日天氣甚好，奈何無街去要留在家中，悲夫！

今次介紹一下好用嘅Firefox extensions。Firefox作為browser除咗比Internet explorer安全、無咁易中毒外，更有無數小工具”extensions”去令你個browser更啱你用。

Forecastfox
十分方便之天氣預告表。香港果個都幾準架！

FlashGot
配合例如Flashget等download manager使用，Click一下就可以download晒一頁入面所有嘅files and images，唔使下下click，勁方便。

ScrapBook
可以讓你成個site save落自己hard disk慢慢睇，咁就唔怕遲下個site down咗無得睇啦。仲有個edit功能俾你delete晒啲廣告或者highlight keywords，最啱research用。

SessionSaver
有無試過上上下網突然個browser有error要close鬼咗佢，之後又搵唔返睇開果頁個網址？呢個extension可以自動記低你睇到去邊個網頁（甚至係邊一行），當有error或者你自己close個browser之後再開返時就會自動reload返你上次睇開果頁（甚至果一行字）。

IE Tab
有時有啲網站係都要你用IE先睇得，咁用呢個extension就可以係一個tab入面load個IE，咁就唔使又要開多個window啦。最方便web developers。

Googlebar lite
雖然Google有官方extension for firefox，但我都係覺呢個輕便版本較啱使。

Cookie button
呢個extension會安置一個小button係右下角，令你非常方便地accept/reject cookies。

Fasterfox
顧名思義，令你個firefox load得更快。

Duplicate Tab
一click就可以將睇緊果個tab duplicate一個。最方便係在於佢連原來個tab啲history都抄埋，back/forward都一樣。

新同文堂
華人出品，繁簡體字轉換。最有用係可以連你input嘅字都可以做轉換。

Right Encoding
IE有個好好嘅功能唔知點解firefox無：right click個menu可以揀返個encoding（例如繁體Big5或簡體GB code）。不過裝咗呢個extension就有返。

SwitchProxy Tool
好方便咁轉proxy settings，又可以load一整個anonymous proxy list，最啱我呢個隱形人。

今個月訪客人次有下降跡象。似乎雖然做了一場大龍鳳，但對街外客吸引力一般… :roll: 最震撼的是熱門搜索字詞入面有「何佬」，而且打入了十大！

繼續看下去……

不錯不錯… 電腦文字當道的今日還有人用紙筆墨寫日記兼附精美插圖。有幾分像妹尾河童（沒有畫得那麼仔細就是）。而那張紙的顏色教我看得很舒服：

東京繪圖日記 http://blog.sina.com.cn/m/linzhuintotokyo

好耐無寫文，罪過罪過。但最近又無乜睇過書（其實都有，不過無乜好寫），又無買碟，更無去旅行。咁寫乜好？

唯有介紹下幾個自己用緊、幾有用又幾得意嘅software咁啦。不過只係for Windows only，Fok生可以skip，繼續做嘢。

第一個介紹嘅係Yz Dock。Apple個Dock又靚又攪鬼，恨死好多Windows user，所以好快就有人寫咗個幾乎一樣嘅Yz Dock for Windows。不過個作者收到Steve一封律師信後，就無再正式支援呢個小程式──當然地下活動就無人可以禁絕啦。所以你想要，又有心搵，一定可以搵到，嘿嘿…

第二個係抄Unix嘅interface。或者唔應該話抄，係port過嚟Windows至啱。Winroll係一個小程式可以讓你right click「摺埋」一個視窗或者middle click令佢半透明，非常非常方便。唔明咩叫「摺埋一個視窗」？參考下圖：

See? Yahoo!摺埋咗，4mb就半透明。好handy架！

最後一個屬於「其實無乜用，不過又幾得意」之類。WinDirStat會分析你個hard disk，然後話俾你聽邊啲種類嘅files佔幾多位，或者邊啲folders佔幾多位咁。得意在佢會generate一幅我個人覺得幾「陰森」嘅圖顯示俾你睇你個hard disk嘅檔案分佈。例如我個硬盤就係咁嘅：

左上角藍色果堆係相，有成3.2GB差唔多佔12.7%咁多位；右少少粉紅咁嘅色嘅係MP3，都成1.8GB。再過少少粉藍色（？）果堆係Zip files；而最右手面果一堆好核突好多好多細方格嘅係C:\Windows… 餘此類推。

好，寫住咁多先。